Tuesday, October 18, 2011

ဇာဂနာနိုင်ငံရေးစကားပြောပြီ

နိုင်ငံကျော်ဟာသလူရွှင်တော်၊ သရုပ်ဆောင်၊ ဒါရိုက်တာနဲ့ စာရေးဆရာ မောင်သူရ ခေါ် ဇာဂနာက The Voice Weekly ဂျာနယ်နဲ့တွေ့ဆုံမေးမြန်းရာမှာ နိုင်ငံရေးနဲ့ ပတ်သက်လို့သူ့ရဲ့အမြင်ကို ပြောပြသွားပါတယ်၊ ဒီတွေ့ဆုံမေးမြန်းတာတွေထဲ က သူ့ရဲ့ပြောဆိုချက်တစ်ချို့ကို ကောက်နှုတ်ဖော်ပြလိုက်ပါတယ်။

 

နိုင်ငံရေးကို စစ်တုရင်ကစားကွက်တစ်ခုလို့မြင်

နိုင်ငံရေးမှာ အနည်းနဲ့အများဆိုသလို ကစားကြမှာဖြစ်တဲ့အတွက်   ဒါကိုကစားကွက်တစ်ခုလို့ယူဆကြည့်မယ်ဆိုရင် အခြားသောကစားကွက်တစ်ခုလိုအပ်လိမ့်အုန်းမယ်လို့ထင်တယ် …..ဒါဟာပရိယာယ်ပါတဲ့ ကစားကွက်တစ်ခု.. ဒါကစစ်တုရင် ကစားကွက်တစ်ခုဖြစ်သွားပြီ…

ကျွန်တော်တို့ဥာဏ်ကစားရတော့မယ်လို့ထင်တယ်.. တစ်ခုခုတော့ အပြန်အလှန်ရွေ့ရတော့မယ်..သူတို့ဘက်ကတော့ စရွေ့ပြီ.. စစ်တုရင်ကစားသလိုပဲ… သူ့ဘက်ကဖွင့်လိုက်တဲ့အပေါ်မူတည်ပြီးတော့ ကိုယ့်ဘက်ကလည်း လိုက်ကစားရမယ်.. သူ့ဘက်က opening တစ်ခုတော့ဖွင့်လိုက်ပြီ၊ ကိုယ့်ဘက်က ပိတ်မမိဘို့လိုတယ်…

 

လမ်းမပေါ်ထွက်တာတဲ့လုပ်ရပ်ကို ထောက်ခံမှာမဟုတ်

လမ်းမပေါ်ထွက်ပြီး အကျဉ်းသားအားလုံး လွှတ်ပေးဆိုတဲ့ စာတမ်းကြီးတွေထောင်ပြီး လုပ်တဲ့လုပ်ရပ်ကိုတော့ လုံးလုံးလျားလျား ထောက်ခံမှာမဟုတ်ဘူး၊ ကျွန်တော့်ကို အဲဒါလုပ်ပါဆိုရင်လည်း လုပ်မှာမဟုတ်ဘူး.. ဒီအချိန်မှာ ဥာဏ်ကစား ရမယ့်အချိန်..စစ်တုရင်ပွဲတစ်ခုလို့ပဲမြင်တယ်.. ဒါဟာဘောလုံးပွဲမဟုတ်ဘူး… စားပွဲပေါ်မှာကစားရမယ့်ကိစ္စ.. အဲဒါကတော့နည်းနည်းတော့သိမ်မွေ့တယ်….

 

NLD မှတ်ပုံတင်မှာလား.. မှတ်ပုံတင်ရင်ဘာဆက်ဖြစ်မလဲ

ဒေါ်စုကြည်ကို မှတ်ပုံတင်မလား.. မတင်ဘူးလားမေးပါမယ်.. ဖဲကတော့တစ်ချပ်ဝယ်ရတော့မယ်.. မ၀ယ်ချင်ရင် ဒေါ်စုကြည် ဦးဆောင်တဲံအခြားပါတီတစ်ခု အရေးတကြီးလိုလာမယ်.. နှစ်မျိုးပဲမြင်တယ်.. တစ်က NLD မှတ်ပုံတင်မှာလား.. ဒီအတွက်ဟထား တာ.. မှတ်ပုံတင်ဘာဆက်ဖြစ်မလဲ.. သို့မဟုတ် NLD ကိုဒီအတိုင်းဆက်ထားလိုက်.. variation (နိုင်ငံရေးကစားပွဲ)တစ်ခု၊ လက်ခံရင် variation တစ်ခု၊ လက်မခံရင်နောက်တစ်မျိုး ပြောပြအုန်းမယ်..။

 

စားဖိုမှူးကောင်းကောင်းလိုပြီ

ဟင်းပွဲကြီးတစ်ပွဲလိုပေါ့.. ချက်စရာအမယ်တွေတော့အစုံရောက်ပီ.. ချက်တတ်တဲ့သူတွေချက်မှ ဒီဟင်းပွဲကြီးစားကောင်းမှာ.. ချက်တတ်တဲ့သူကလည်းများများမလိုဘူး သုံးယောက်ပဲလိုတယ် ။ သေချာတာကတော့ သမ္မတကြီးဦးသိန်းစိန်၊ ဒေါ်အောင်ဆန်းစုကြည်ကတော့ မပါလို့မဖြစ်ဘူး၊ တိုင်းပြည်ပြင်ပရောက်နေတဲ့သူတွေလည်း ဟင်းချက်တဲ့သူတွေထဲမှာ ပါဖို့လိုတယ်။ ဒေါ်အောင်ဆန်းစုကြည်နဲ့ ဦးသိန်းစိန်နှစ်ယောက်တည်းနဲ့တော့မလုံလောက်သေးဘူး…..