Thursday, December 19, 2013

သန်းခေါင်စာရင်းကောက်ယူမှုတွင် တိုင်းရင်းသား၁၃၅မျိုးပြည့်မီရေး တိုင်းရင်းသားပါတီများနှင့် လ၀ကဆွေးနွေးမည်

၂၀၁၄ခုနှစ်မတ်လတွင်ကောက်ယူမည့် သန်းခေါင်စာရင်းကောက်ယူမှုတွင် မြန်မာ
နိုင်ငံတွင်းနေထိုင်သော တိုင်းရင်းသားမျိုးနွယ် ၁၃၅မျိုးပြည့်မီအောင် ကောက်ယူနိုင်
ရေးအတွက် တိုင်းရင်းသားနိုင်ငံရေးပါတီများက လူဝင်မှုကြီးကြပ်ရေးနှင့်ပြည်သူ့အင်
အားဝန်ကြီးဌာန ပြည်ထောင်စုဝန်ကြီး ဦးခင်ရီနှင့်တွေ့ဆုံဆွေးနွေးသွားမည်ဖြစ်
ကြောင်း ညီညွတ်သောတိုင်းရင်းသားလူမျိုးများမဟာမိတ်အဖွဲ့ (UNA) နှင့်ညီနောင်
တိုင်းရင်းသားများဖက်ဒရေးရှင်း (NBF) ကထုတ်ပြန်ကြေညာလိုက်သည်။
သန်းခေါင်စာရင်းကောက်ယူရာတွင် တိုင်းရင်းသား၁၃၅မျိုးစလုံးပါဝင်နိုင်ရန်အတွက်
ဆွေးနွေးမည့်အပြင် တိုင်းရင်းသားဒေသများတွင် ပြည်လုံးကျွတ်သန်းကောင်စာရင်း
ကောက်ယူပါက ကြုံတွေ့ရမည့် ဒေသသုံးဘာသာစကားအခက်အခဲများ၊ နယ်မြေ
ကျွမ်းကျင်မှုစသည့် ကိစ္စရပ်များနှင့်ပတ်သက်၍ဆွေးနွေးရန် ပြည်ထောင်စုဝန်ကြီး
ဦးခင်ရီကို ၂၀၁၄ခုနှစ်ဇန်န၀ါရီလအတွင်းတွင် တင်ပြသွားမည်ဖြစ်ကြောင်း ဒီဇင်ဘာ
၁၈ရက်နေ့တွင် UNA နှင့် NBF အဖွဲ့များကထုတ်ပြန်ထားသည်။

KIO/KIA ကိုဆန္ဒပြရန် ခွင့်ပြုချက်တောင်းခံမှု မြစ်ကြီးနားရဲစခန်းပယ်ချ

ကချင်ပြည်နယ် မန်စီမြို့အတွင်းနေထိုင်သော ရှမ်းနီတိုင်းရင်းသား ၁၀၀ကျော်ကို
KIO/KIA အဖွဲ့ကဖမ်းဆီးထားသည်ဟုဆိုကာ KIO/KIA အဖွဲ့ကိုဆန္ဒဖော်ထုတ်
ရန် ရှမ်းမျိုးနွယ်စုရေးရာအဖွဲ့(ကချင်ပြည်နယ်)က မြစ်ကြီးနားရဲစခန်းတွင် ငြိမ်းချမ်း
စွာစီတန်းလှည့်လည်ခွင့်လျှောက်ထားသော်လည်း ပယ်ချခံရကြောင်း မြစ်ကြီးနား
ရဲစခန်းမှ တာဝန်ရှိသူတစ်ဦးကပြောကြားသည်။
ကချင်ပြည်နယ်အခြေစိုက် ရှမ်းမျိုးစုရေးရာအဖွဲ့က ဒီဇင်ဘာလ၂၀ရက်နေ့တွင်
မြစ်ကြီးနားမြို့၊ ၀န်းသိုကျောင်းတိုက်မှ KIO/KIA ငြိမ်းချမ်းရေးနည်းပညာအထောက်
အကူပြု ရုံးရှေ့အထိ လူဦးရေ ၄၀,၀၀၀ခန့်လမ်းလျှောက်ဆန္ဒပြရန် မြစ်ကြီးနားရဲ
စခန်းသို့လျှောက်ထားခဲ့ခြင်းဖြစ်ကြောင်း ကချင်ပြည်နယ်အခြေစိုက်ရှမ်းမျိုးနွယ်စု
များအရေးလှုပ်ရှားသူဦးစိုင်းထိန်လင်းကပြောကြားသည်။

အမျိုးသမီးအသင်းနည်းပြ ဒိုင်ဆုံးဖြတ်ချက်ကို မကျေနပ် အာရှဘောလုံးအဖွဲ့ချုပ်သို့ တိုင်ကြားမည်

မန္တလေးမြို့၊ မန္တလာသီရိအားကစားကွင်းတွင် ဆီးဂိမ်း အမျိုးသမီးဘောလုံး အကြိုဗိုလ်
လုပွဲအဖြစ် မြန်မာ နှင့် ထိုင်းတို့ ယှဉ်ပြိုင်ကစားရာ ပထမပိုင်း ၁၃ မိနစ်တွင် မြန်မာ
အသင်းရရှိသည့် ပွဲဦးထွက်ဂိုးကို လူကျွံ သည့်အကြောင်းပြချက်ဖြင့် ဂိုးမပေးမှု၊ ပွဲချိန်
၂၅ မိနစ်တွင် ထိုင်းအသင်းက မြန်မာအသင်းဘက်သို့ ဂိုး သွင်းယူရာတွင် လူကျွံသော်
လည်း ဂိုးပေးခဲ့ခြင်းတို့ကြောင့် အိနိ်္ဒယဒိုင်၏ဆုံးဖြတ်ချက်ကို မကျေနပ်၍ အာရှဘောလုံး
အဖွဲ့ချုပ်သို့တိုင်ကြားစာပေးပို့မည်ဟု မြန်မာအသင်းနည်းပြဂျပန်လူမျိုး Kumda Yoshinori က
ပွဲအပြီးသတင်းစာရှင်းလင်းပွဲတွင် ပြောဆိုလိုက်သည်။

ဂျပန်နည်းပြက မြန်မာအမျိုးသမီးအားကစားသမားများ၏ အားကစားစိတ်ဓာတ်ကို ချီးကျူးး
သွားခဲ့ပြီး မြန်မာအမျိုးသားအားကစားသမားများထက်ပိုမိုကစားနိုင်ကာတိုက်စစ်
လည်းကောင်းသည်ဟုချီးမွမ်းသွားခဲ့သည်။

ထိုင်းအသင်းနည်းပြထိုင်းနိုင်ငံသား Jatuporn Tramolbalကမူဒိုင်၏ဆုံးဖြတ်ချက်ကိုကျေနပ်
သည်ဟုဆိုလိုက်ပြီး မြန်မာအသင်းကိုအနိုင်ရရှိခြင်းမှာထိုင်းအသင်းကံကောင်းခြင်းကြောင့်
ဟုပွဲအပြီးသတင်းစာရှင်းလင်းပွဲတွင် ပြောသည်။

ထိုင်းအသင်းကို ဂိုးပေးခဲ့ရပြီးနောက် မြန်မာပရိသတ်က မြန်မာအားကစားသမားများကို
အားပေးရာတွင် ကြမ်းတမ်းခဲ့သည်ကိုလည်း မြန်မာအမျိုးသမီး ဘောလုံးအသင်းနည်းပြက သတိပေး ပြောဆိုသည်။

“ရှုံးသွားတဲ့အတွက်တကယ်ခံစားရတာကအားကစားသမားတွေနဲ့ နည်းပြတွေပဲ ဖြစ်ပါတယ်”ဟု
မြန်မာအမျိုးသမီးနည်းပြကဆိုသည်။

မြန်မာအသင်းနှင့်ထိုင်းအသင်းတို့သည်ဗိုလ်လုပွဲသို့ တက်ရောက်နိုင်ရန်တစ်ဖက်နှင့်တစ်ဖက်
အကြိတ်အနယ်ယှဉ်ပြိုင်ခဲ့ကြရာ ပွဲချိန် မိနစ် ၉၀အပြည့်တွင်တစ်ဖက်တစ်ဂိုးစီဖြင့်သရေ
ကျခဲ့ပြီး အချိန်ပို မိနစ် ၃၀ ကစားချိန်တွင် ထိုင်းအသင်းက ထပ်မံဂိုးသွင်းခဲ့ပြီးနောက် မြန်မာ
ကလည်း အချိန်ပိုပြီးကာနီးတွင် ချေ ပဂိုး ပြန်လည်သွင်းယူခြင်းကြောင့် ပင်နယ်တီအဆုံး
အဖြတ်ဖြင့် ယှဉ်ပြိုင် ကစားစေခဲ့သည်။

ပင်နယ်တီကန်ရာ၌ မြန်မာအသင်းဂိုးသမားက တစ်လုံးကာကွယ်နိုင်ခဲ့ပြီး မြန်မာအသင်း
ကအားကစားသမား၏ကန်သွင်းခြင်းကဂိုးမရရှိခဲ့ပေ။ အဆုံးသတ်တွင်ထိုင်းအသင်းက
၁၁-၁၀ ဂိုးဖြင့် ဗိုလ်လုပွဲသို့ တက်ရောက်သွားသည်။

မြန်မာအသင်းနှင့်ထိုင်းအသင်းတို့သည် အကြိုဗိုလ်လုပွဲကိုမန္တလေးမြို့ မန္တလာသီရိအားကစား
ကွင်း၌ ဒီဇင်ဘာ ၁၈ ရက် ညနေပိုင်းက ယှဉ်ပြိုင်ကစားခဲ့ကြခြင်းဖြစ်သည်။

 
ဖြိုး|ဒီဇင်ဘာလ ၁၉ ရက်၊ ကြာသပတေးနေ့၊ ၂၀၁၃ ခုနှစ်

Mizzima

မျက်စေ့လည် လမ်းမှားနေသော မြန်မာပြည်နိုင်ငံရေး


ဒီရက်တွေအတွင်း မြန်မာနိုင်ငံရဲ့ နေရာတော်တော်များများမှာ ဒေါ်အောင်ဆန်း
စုကြည်နဲ့ပြည်သူ လူထုတွေ့ဆုံပွဲတွေလုပ်ပြီး ၂၀၀၈ခုနှစ်၊ ဖွဲ့စည်းပုံ အခြေခံဥပဒေ
အပုတ်ချပွဲတွေ ကျင်းပနေတာတွေ့ရပါတယ်။ ဆင်းရဲတွင်း နက်နေတဲ့ မြန်မာပြည်
အတွက် ဒီဖွဲ့စည်းပုံပြင်ဆင်ရေးက အဲလောက်အထိ အရေးပါနေသလား။ အခုချက်
ချင်း ဒါကိုပြင်လိုက်တာ နဲ့ မြန်မာပြည် သူလူ ထုချမ်းသာလာမှာလား။ ဖွဲ့စည်းပုံပြင်
လိုက်လို့ တိုင်းရင်း သားလက်နက် ကိုင်တွေအနေနဲ့ထာဝရငြိမ်းချမ်းရေးတကယ်ယူ
မှာလား။ ဒါဆိုရင်တော့ ပြင်ရုံမကဖျက်ချင်ရင် ဖျက်လိုက်ပါ။