ဒါဖတ်ပြီးမှလွှတ်တော်သွားပါ

    သင်နေထိုင်ရာအရပ်ဒေသကို ကိုယ်စားပြုသည့်လွှတ်တော်ကိုယ်စားလှယ်တစ်ဦးဦးကို နောက်ဆုံးတွေ့ခွင့်ရခဲ့သည့်နေ့ကိုမှတ်မိပါသလား။ဒါမှမဟုတ်သင့်စိုးရိမ်ပူပန်မှုတစ်ခုကို
ပြောပြဖို့၊သိလိုသည့်မေးခွန်းတစ်ခုကိုမေးဖို့သင့်ကိုယ်စားလှယ်၏လိပ်စာ၊တယ်လီဖုန်း
နံပါတ်နှင့်အီးမေးလ်တို့သင့်မှာရှိပါသလား။ဒါမှမဟုတ်လွှတ်တော်အတွင်းအချေအတင်
ဆွေးနွေးမှုများနှင့်ဥပဒေကြမ်းများအကြောင်းတစ်စုံတစ်ယောက်ကသင့်ကိုအမှတ်တရ
လာရောက်ရှင်းပြဖူးပါသလား။
     မေးခွန်းသုံးခုလုံးအတွက်အဖြေက “ဟင့်အင်း”ဆိုလျှင်တော့ဝန်ဆောင်မှုကောင်းမွန် စွာမရရှိသောတတိယတန်းစားနိုင်ငံသားအဖြစ်ကိုသင်ရောက်ရှိနေတာသေချာပြီ။ သတိ ထားပါ။သင်မသိလိုက်သည်မှာသင့်အခွင့်အရေးများကိုချိုးဖောက်ခံရဖို့နီးစပ်နေ သည်။
     ဒီမိုကရေစီနည်းလမ်းအရလွှတ်တော်ကိုယ်စားလှယ်များကိုရွေးကောက်တင်မြှောက
်ခြင်းသည် မိမိသဘောကျလေးစားသော နိုင်ငံရေးသမားများကိုထောက်ခံအင်အားပြရုံ သက်သက်၊မိမိမကြိုက်သည့်ပါတီကိုဆန့်ကျင်ရုံသက်သက်မဟုတ်ပါ။ကိုယ့်ကိုကိုယ်စားပြု
သူတစ်ဦးဦးကို လူ့အဖွဲ့အစည်းအပေါ်ဆုံးဖြတ်ချက်ပြုရာနေရာမှာ ပို့ထားခြင်းဖြင့်မိမိ
ဘ၀နှင့်ဆန္ဒများကိုလုံခြုံစေရန် ရည်ရွယ်သည့်ဒီမိုကရေစီ၏အခြေခံလုပ်ထုံးဖြစ်သည်။ပြည်သူကရွေးချယ်တင်မြှောက်သည့်ကိုယ်စားလှယ်များက ရွေးကောက်ပွဲပြီးသည့်အခါ
တူတူပုန်းတမ်းကစားကြခြင်းသည် ဒီမိုကရေစီရင့်ကျက်သည့် နိုင်ငံကြီးများမှာပင်ဖြစ်လေ့
ရှိသည့် နိုင်ငံရေးရောဂါတစ်ခုဖြစ်သည်။ နိုင်ငံတကာအလေ့အထများအရလွှတ်တော်
(ပါလီမန်)ကိုယ်စားလှယ်များက သူတို့ကိုယ်စားပြုသည့်မဲဆန္ဒနယ်မြေများနှင့်ပြည်သူများ
ကိုမကြာခဏထိတွေ့ဆက်ဆံကြဖို့အတွက် ကိုယ်စားလှယ်များကိုယ်တိုင်ကတာဝန်ရှိ
သလို နိုင်ငံရေးပါတီများနှင့်ပါလီမန်များမှာလည်းတာဝန်ရှိသည်။
     ကမ္ဘာတစ်ဝန်းပါလီမန်များက ပါလီမန်အမတ်များ၏တာဝန်နှင့်လုပ်ပိုင်ခွင့်များကို နိုင်ငံ 
သားများသိအောင် ပညာပေးအစီအစဉ်များပြုလုပ်ကြရသည်။ အင်တာနက်၊ ပုံနှိပ်နှင့်မီဒီယာ
အမျိုးမျိုးကတတစ်ဆင့် “သင့်ပါလီမန်အမတ်ကိုဘယ်ယူလဲသင်သိပါသလား”။“သူ၊ သူမကို
ဘယ်လိုဆက်သွယ်ရမလဲဆိုတာသင်သိရဲ့လား“။“သူ့ကိုသင်ဘယ်လိုလူချင်းတွေ့နိုင်တယ်
ဆိုတာသိရဲ့လား” စသည့်ရိုးရှင်းပြီးအရေးပါလှသည့်မေးခွန်းနှင့်အဖြေများကိုပေးရင်း ပြည်သူ
များကသူတို့သက်ဆိုင်ရာကိုယ်စားလှယ်များကို ထိတွေ့ဆက်သွယ်နိုင်ဖို့ပါလီမန်များက
ပညာပေးကြသည်။
     နိုင်ငံရေးပါတီများကလည်း ကိုယ့်ပါတီဝင်ကိုယ်စားလှယ်များက ပြည်သူ့အပေါ်တာဝန်
ကျေသူများဖြစ်ဖို့ထိန်းကျောင်းရန်တာဝန်ရှိသည်။ မိမိကိုယ်စားပြုသည့်နယ်မြေနှင့်ပြည်သူ
များကိုထိတွေ့ဖို့တွန့်ဆုတ်သည့်ကိုယ်စားလှယ်သည်အနာဂတ်တွေအတွက်အလားအလာ
ကောင်းသည့်နိုင်ငံရေးသမားတစ်ယောက်မဖြစ်နိုင်ပါ။
     နိုင်ငံတကာပါလီမန်များသမဂ္ဂ(Inter-Parliamentary Union) ကကမ္ဘာတစ်ဝန်းပါလီ
မန်များ၏အရည်အသွေးကိုအကဲဖြတ်ဖို့အတွက် လမ်းညွှန်စာအုပ်များကို ၂၀၀၈ခုနှစ်က
ထုတ်ဝေခဲ့သည်။ “ပါလီမန်ကိုအကဲဖြတ်ခြင်း” (Evaluating Parliament) ဆိုသည့်စာအုပ်
မှာ ပါလီမန်တစ်ခုကိုအကဲဖြတ်ဖို့အတွက်အခြေခံတန်ဖိုးငါးခုကိုချမှတ်ထားသည်။ (၁)ကိုယ်
စားပြုမှု (Representativeness) (၂)ပွင့်လင်းမြင်သာမှု (Transparency) (၃)ပြည်သူများ
လက်လှမ်းမှီနိုင်မှု (Accessibility) (၄)တာဝန်ယူနိုင်မှု (Accountability) နှင့် (၅)ထိရောက်
မှု (Effectiveness) တို့ဖြစ်သည်။
     အချက်ငါးချက်တွင်ကိုယ်စားပြုမှု (Representativeness) သည်အရေးအကြီးဆုံးအချက်
တစ်ချက်ဖြစ်သည်။ပါလီမန်သည် လူ့အဖွဲ့အစည်းတစ်ခုလုံးကို ကိုယ်စားပြုနိုင်ရန်အတွက်
အမတ်တစ်ဦးချင်းစီက သက်ဆိုင်ရာမဲဆန္ဒနယ်နှင့်ပြည်သူများကို ကိုယ်စားပြုနိုင်ဖို့လိုအပ်
သည်။ ပြည်သူ့အသံများကိုနားထောင်ခြင်းနှင့်ပြည်သူများကို ပြန်လည်ရှင်းလင်းတင်ပြခြင်း
မပြုလုပ်ဘဲ ပါလီမန်ထဲတွင် မိမိဆန္ဒတစ်ခုတည်းဖြင့်ဆွေးနွေးဆန္ဒမဲပေးခြင်းသည် မှန်ကန်
သောနည်းလမ်းမဟုတ်ပါ။
     ကမ္ဘာတစ်ဝန်းပါလီမန်များကအမတ်များ၏တာဝန်ကိုရှင်းလင်းထားကြသည့်အနက် သြစ
တြေးလျပါလီမန်၏ရှင်းလင်းချက်က ပို၍နားလည်လွယ်သည်။ အမတ်တစ်ဦးမှာအကြမ်းဖျင်း
အားဖြင့်တာဝန်သုံးရပ်ရှိသည်။ (၁)သက်ဆိုင်ရာနယ်မြေနှင့်ပြည်သူတို့၏ကိုယ်စားပြုမှုတာ
ဝန်(၂)ပါလီမန်အဖွဲ့ဝင်အမတ်တစ်ဦး၏တာဝန်(၃)(တစ်သီးပုဂ္ဂလမဟုတ်လျှင်)သက်ဆိုင်
ရာနိုင်ငံရေးပါတီ၏တာဝန်တို့ဖြစ်သည်။
     မရင့်ကျက်သည့်နိုင်ငံများမှာတော့ အမတ်များကအမှတ်(၂)နှင့် (၃)တို့ကိုသာတာဝန်
ကျေကြသည်။အမှတ်(၁)တာဝန်ကိုတော့မကြာခဏပျက်ကွက်လေ့ရှိကြသည်။အမှတ်(၁)
တာဝန်ကိုထမ်းဆောင်သည့်နေရာမှာ Constituency Service ခေါ်သည့်မဲဆန္ဒနယ်မြေကို
ဝန်ဆောင်မှုပေးခြင်းသည်အရေးအကြီးဆုံးတာဝန်တစ်ခုဖြစ်သည်။ ၀န်ဆောင်မှုများမှာပြည်
သူများ၏ဆန္ဒနှင့်ထင်မြင်ချက်များကိုမေးမြန်းနားထောင်ခြင်း၊ လိုအပ်လျှင်အခက်အခဲများကို
ရင်ဆိုင်နေရသည့်မိသားစု(သို့မဟုတ်)အစုအဖွဲ့လေးများကိုအကြံပေးခြင်းနှင့် ကူညီဖြေရှင်း
ပေးခြင်း၊ပါလီမန်ထဲတွင်ဆွေးနွေးငြင်းခုံမှုများကိုပြည်သူများထံပြန်လည်ရှင်းလင်းတင်ပြခြင်း
နှင့်မီဒီယာနှင့်ပုံမှန်တွေ့ဆုံမှုများလည်းပါဝင်သည်။
     ပါလီမန်အစည်းအဝေးကျင်းပသည့်အချိန်မှအပ မိမိနယ်မြေအတွင်းမှာခရီးများများထွက်
ပြီး ပြည်သူတစ်ဦးချင်းစီကိုတွေ့နိုင်ဖို့အတွက် အချိန်များများသုံးသင့်ကြောင်း နိုင်ငံတကာ
ပါလီမန်များကညွှန်ကြားကြသည်။ မိမိမဲဆန္ဒနယ်မြေများရှိ ပြည်သူများ၏စီးပွားရေး၊ကလေး
ငယ်များ၏ပညာရေးအရည်အသွေး၊ ၅နှစ်အောက်ကလေးငယ်များ၏သေဆုံးမှုနှုန်းထား 
သဘာဝပတ်ဝန်းကျင်ယိုယွင်းမှုနှင့်ဒုစရိုက်မှုနှုန်း၊အလုပ်လက်မဲ့နှုန်းနှင့်ကျန်းမာရေးဝန်
ဆောင်မှုအခြေအနေ၊သယ်ယူပို့ဆောင်ရေးအရည်အသွေးနှင့်အားကစားအရည်အသွေး
အထိလေ့လာစူးစမ်းကြဖို့တာဝန်ရှိသည်။
     ထိုတာဝန်များကိုပြုလုပ်ဖို့အမတ်များကကျောင်းသားလေးများနှင့်စကားပြောဆိုဖို့လိုအပ်
သလိုအိမ်ထောင်ရှင်မများနှင့်လည်းစကားလက်ဆုံကျရပါမည်။ဘွဲ့ရအလုပ်လက်မဲ့လူငယ်
များ၏ရင်ဖွင့်သံကိုနားထောင်နိုင်သလိုဆေးရုံကလူနာများ၏ဆေးကုသမှုစရိတ်ဆိုင်ရာစကား
များကိုလည်းစိတ်ရှည်လက်ရှည်နားထောင်ဖို့လိုအပ်သည်။အသေးစားလုပ်ငန်းရှင်များနှင့်
အတူစီးပွားရေးအလားအလာနှင့်ခြိမ်းခြောက်မှုများအကြောင်းကိုဆွေးနွေးဖို့လိုအပ်သလို
ဝန်ထမ်းများ၏ဘ၀ကိုလည်းလေ့လာဖို့တာဝန်ရှိသည်။အချုပ်ပြောရလျှင်ပြည်သူ့
ကိုယ်စားလှယ်တစ်ယောက်အတွက်ပြည်သူကိုလေးလေးနက်နက်ထိတွေ့ဖို့ထက် ပိုအရေးကြီးသည့်တာဝန်မရှိပါ။ဘလော့ဂ်များ၊ လူမှုမီဒီယာများနှင့်စာပို့စနစ်များ အသုံးပြုပြီးပြည်သူများမိမိကိုတိုက်ရိုက်ထိတွေ့ဆက်ဆံနိုင်ဖို့အတွက်လမ်းကြောင်းများ စွာဖွင့်ပေးသင့်ပါသည်။တာဝန်ကျေပြီးအပတ်တကုတ်ကြိုးပမ်း
သည့်ကိုယ်စားလှယ်များအကြောင်းကိုကြားနေရသည့်အတွက် အားတက်မိသေးသည်။
     ပြည်သူများကလည်း မိမိတို့ကိုယ်စားလှယ်များဘာလုပ်နေသည်၊ဘာစာအုပ်တွေဖတ်နေ
သည်၊သို့မဟုတ်ဘာမှလည်းမလုပ်၊ဘာစာမှလည်းမဖတ်ပဲနေသည်ကိုစစ်ဆေးဖို့တာဝန်ရှိသည်။
သူတို့ဘာတွေလုပ်နေသည်။ဘာစာအုပ်တွေဖတ်နေသည်ဆိုခြင်းကကျွန်တော်တို့အနာဂတ်
အပေါ်တိုက်ရိုက်အချိုးကျပါသည်။
     တူတူပုန်းတမ်းကစားတာများပြီးကိုယ်စားလှယ်များကပြည်သူကိုကိုယ်စားမပြုနိုင်လျှင်တော့
ကမ္ဘာကျော်စစ်တုရင်ချန်ပီယံဂယ်ရီကပ်စပါးရော့ဗ်ကရုရှားလွှတ်တော်ကိုဝေဖန်သလိုဖြစ်လိမ့်
မည်။
     “တကယ့်နိုင်ငံရေးက လွှတ်တော်ထဲမှာမရှိဘူး။ လမ်းပေါ်နဲ့မီဒီယာထဲမှာပဲရှိတယ်”
     ကိုယ်စားလှယ်ကြီးများ မကျင့်ကြံသင့်သည်ကတော့ကြယ်တံခွန်လိုဖြစ်ပါသည်။ကြယ်
တံခွန်များသည်တစ်ခဏတောက်ပသည်။သို့သော်နှစ်များစွာကြာမှတစ်ခါပြန်ပေါ်လာတတ်
ပါသည်။ကျွန်တော်တို့ပြည်သူများ၏ဘ၀မှာထိုမျှလောက်အောင့်အည်းသည်းခံစောင့်စားဖို့
အချိန်မရှိလှပါ။
     ၂၀၁၅ မတိုင်မီတစ်ကြိမ်ပြန်လည်ဆုံတွေ့ဖို့သင်ကတိပြုနိုင်ပါသလား။


ရဲမိုး 
7 Day Daily
23-9-13