ဘာသာရေးဖိနှိပ်မှု ရပ်ရန် မြန်မာကို ဘန်ကီမွန်း တောင်းဆို

မြန်မာနိုင်ငံသည် အများအမြင်တွင် ယုံကြည်လေးစားခံရသည့် နိုင်ငံတခုဖြစ်ချင်ပါက
ဗုဒ္ဓဘာသာဝင်များကလူနည်းစုမူဆလင်များအပေါ်ဖိနှိပ်တိုက်ခိုက်နေမှုများကိုရပ်တန့်
ပစ်ရမည်ဟု ကမ္ဘာ့ကုလသမဂ္ဂ အတွင်းရေးမှူးချုပ်က သတိပေး ပြောဆိုလိုက်သည်။
“မြန်မာအာဏာပိုင်တွေဖက်ကနေ ရိုဟင်ဂျာ မွတ်စလင်တွေရဲ့ နိုင်ငံသားဖြစ်ခွင့်
တောင်းဆိုမှုတွေ အပါအ၀င် လူနည်းစု အသိုင်းအ၀ိုင်းရဲ့တရားဝင်မှုကို
အသိအမှတ်ပြုပေးဖို့ လိုအပ်တာတွေ ဆောင်ရွက်သွားနိုင်ဖို့ အရေးကြီးပါတယ်” ဟု
မစ္စတာ ဘန်ကီမွန်းက ဗုဒ္ဓဟူးနေ့တွင် ပြောကြားလိုက်သည်။

  ဗုဒ္ဓဟူးနေ့ ညနေက ကျင်းပခဲ့သည့် သြစတြေးလျ၊ တရုတ်၊ ပြင်သစ်၊ အိန္ဒိယ၊
အင်ဒိုနီးရှား၊ ဂျပန်၊ နော်ဝေ၊ ရုရှား၊ စင်္ကာပူ၊ ထိုင်း၊ ဗြိတိန်၊ အမေရိကန်၊
ဗီယက်နမ် နှင့် ဥရောပသမဂ္ဂ၏ လက်ရှိဥက္ကဌ တာဝန်ယူထားသည့် လစ်သူယေးနီးယား
နိုင်ငံများမှ သံအမတ်ကြီးများ တက်ရောက်ကြသည့် “မြန်မာ့မိတ်ဆွေများအဖွဲ့” ၏
အစည်းအဝေးတွင် မစ္စတာဘန်ကီမွန်းက “အန္တရာယ်ကြီးသော သွေးကွဲမှု”ကိုခိုင်ခိုင်
မာမာဖြင့်အရေးပေါ်မကိုင်တွယ်ခဲ့လျှင် “ရှိပြီးသားတင်းမာမှုများဟာပေါက်ကွဲထွက်လာ
ဖို့ လှုံ့ဆော်လာနိုင်တယ်၊ ဒါဟာ ပြုပြင်ပြောင်းလဲရေးကိုဖျက်ဆီးပစ်လိမ့်မယ်၊ မလိုလား
အပ်တဲ့ ဒေသတွင်းလက်တုံ့ပြန်မှုတွေကိုလည်းပေါ်ပေါက်စေနိုင်တယ်”ဟု ပြောဆိုခဲ့သည်။
ယင်းမိန့်ခွန်းသည် သေချာပြင်ဆင် ဖတ်ကြားခြင်းဖြစ်ပြီး မြန်မာပြည်ပြုပြင်ပြောင်းလဲရေး
များစတင်ပြီး နောက်ပိုင်းအပြင်းထန်ဆုံးသုံးနှုန်းဝေဖန်ခဲ့ခြင်းဖြစ်သည်။
၁၉၈၂ ခုနှစ် မြန်မာနိုင်ငံ နိုင်ငံသား ဥပဒေသည် လူဦးရေ ၈ သိန်းခန့်ရှိမည့်“ရိုဟင်ဂျာ”ဟု ၎င်းတို့ကိုယ်ကို ခေါ်ဆိုသော ရခိုင်ပြည် မြောက်ပိုင်းရှိမွတ်စလင်များကို နိုင်ငံသားဖြစ်ခွင့် ကန့်သတ်ထားသည်။ လွန်ခဲ့သောနှစ်ကဖြစ်ပွားခဲ့သည့် ဆူပူမှု အဓိကရုဏ်းများကြောင့်
လူပေါင်း ရာနှင့်ချီသေဆုံးခဲ့ပြီး တစ်သိန်းလေးသောင်းခန့် အိုးမဲ့အိမ်မဲ့ ဖြစ်ခဲ့ရသည်။
မြန်မာနိုင်ငံသည် စစ်တပ်က အာဏာသိမ်းယူပြီး စစ်အုပ်ချုပ်ရေးစနစ်ကျင့်သုံးခဲ့သည့်နှစ်
၅၀ ကြာ ကာလအတွင်း ဖယ်ကျဉ်ခံခဲ့ရသည်။ သို့သော်လည်း ပြီးခဲ့သည့်နှစ်အနည်း ငယ်အတွင်းတွင် နိုင်ငံရေး အကျဉ်းသား အမြောက်အများကိုပြန်လွှတ်ပေးခြင်း၊ နေအိမ်
အကျယ်ချုပ် ကျခံနေရသည့် ဒေါ်အောင်ဆန်းစုကြည်ကိုပြန်လွှတ်ပေးခြင်း နှင့် ပြုပြင်ပြောင်း
လဲရေးများ စတင်လာခဲ့ခြင်းတို့ ကြောင့်နိုင်ငံတကာအသိုင်းအ၀ိုင်းက သတိရှိရှိဖြင့် ကြိုဆို
ခဲ့ကြသည်။ အမေရိကန်သမ္မတဘားရက်အိုဘားမားကလည်း မြန်မာနိုင်ငံ၏ အကောင်း
ဖက်သို့ ဦးတည်လာသောပြောင်းလဲမှုကို အသိအမှတ်ပြုသည့်အနေဖြင့် ယမန်နှစ် သူ၏
အာရှခရီးစဉ် အတွင်းမြန်မာနိုင်ငံသို့ လာရောက်လည်ပတ်ခဲ့သည်။

မြန်မာနိုင်ငံသည် လူနည်းစုတို့၏ အခွင့်အရေးကို ကာကွယ်ပေးခြင်းမရှိပါကဒီမိုကရေစီ
နိုင်ငံများ အသိုင်းအ၀ိုင်းသို့ ပြန်လည်ဆက်သွယ်နိုင်လိမ့်မည်မဟုတ်ဟုလည်း ကုလသမဂ္ဂ
ရှိ မွတ်စလင် သံအမတ်ကြီးများက ပြောသည်။“မြန်မာနိုင်ငံဟာ ကမ္ဘာနဲ့ အတူ ပျားရည်
ဆမ်းခရီး ထွက်နေပါပြီ။ ဒါပေမယ့် သူ့ရဲ့ပျားရည်ဆမ်းခရီးက မူဆလင် ဒုက္ခသည်
အလောင်းတွေပေါ်မှာ တည်ဆောက်ထားတာ တခုပဲ ပြဿနာရှိပါတယ်” ဟု ကုလသမဂ္ဂ ဆိုင်ရာ ဆော်ဒီအာရေးဗီးယားနိုင်ငံ သံအမတ်ကြီး Abdullahal-Mouallemi က
သတင်းထောက် များကို ပြောဆိုလိုက်သည်။

ကုလသမဂ္ဂ ဆိုင်ရာ ဂျဘူးတီနိုင်ငံ သံအမတ်လည်းဖြစ်၊အစ္စလာမ္မစ်ပူးပေါင်းဆောင်ရွက်ရေး
အဖွဲ့ ဥက္ကဌလည်းဖြစ်သူ Roble Olhaye ကလည်းရခိုင်ပြည် မြောက်ပိုင်းနေ မွတ်စလင်များ
ကို ဆန့်ကျင်တိုက်ခိုက်မှုတွေကို“လူမျိုးတုံး သန့်စင်ရေး” ဟု ခေါ်ဝေါ်လိုက်သည်။

ဆော်ဒီသံအမတ်ကြီးနှင့်အတူသတင်းစာရှင်းလင်းပွဲတွင် “ကုလသမဂ္ဂကို ကျနော်တို့တောင်း
ဆို ချင်တာကတော့ ကမ္ဘာရဲ့ ပူပန်နေရမှုတွေကို ရှင်းရှင်းလင်းလင်းဆက်ပြီးပြော
ပြနေပေး ဖို့ ပါပဲ” ဟု Olhaye ကဆိုသည်။ မွတ်ဆလင်နိုင်ငံများအနေဖြင့် ကုလသမဂ္ဂ
လုံခြုံရေးကောင်စီအဖွဲ့ဝင်နိုင်ငံများ နှင့် တွေ့ဆုံကာမြန်မာနိုင်ငံနှင့် ပတ်သက်၍ ဆွေးနွေး သွားမည်ဖြစ်သည်ဟုလည်း သူက ဆိုသည်။

ထို့ပြင် Olhaye နှင့် Mouallemi တို့က ကုလသမဂ္ဂ ခေါင်းဆောင်များကလည်းမြန်မာနိုင်ငံရှိ
မွတ်ဆလင် များဖက်မှ ပိုမို၍ ကာကွယ်ပြောကြားပေးသွားမည်ဟုကတိပြုခဲ့ကြကြောင်း
ပြောဆိုသည်။