ကြံခိုင်ရေးပါတီနဲ့NLDပါတီတို့ရဲ့၂၀၁၅ရွေးကောက်ပွဲအတွက်မဟာဗျူဟာများ

အခု၂၀၁၃ခုနှစ်ထဲကိုဝင်ရောက်လာပါပြီ၊လူတွေစောင့်မျှော်နေတဲ့၂၀၁၅အထွေထွေရွေးကောက်ပွဲကနောက်နှစ်နှစ် ဆိုရောက်လာတော့မှာဖြစ်ပါတယ်။၂၀၁၅ရွေးကောက်ပွဲမှာအဓိကပြိုင်ဘက်ပါတီကြီးနှစ်ခုဖြစ်တဲ့NLDပါတီနဲ့ ကြံ့ခိုင်ရေးပါတီတို့ရဲ့ပြီးခဲ့တဲ့နှစ်အတွင်း၂၀၁၅ရွေးကောက်ပွဲအတွက်ဘယ်လိုမဟာဗျူဟာတွေချမှတ်နေသလဲဆိုတာ ကျွန်တော်လေ့လာမိသလောက်တင်ပြလိုပါတယ်။
အားလုံးသိခဲ့တဲ့အတိုင်းပြီးခဲ့တဲ့နှစ်ဧပြီလမှာလုပ်တဲ့ကြားဖြတ်ရွေးကောက်ပွဲမှာNLDက၄၅နေရာမှာ၄၃နေရာအထိအနိုင် ရခဲ့ပါတယ်။တစ်နေရာကရှမ်းတိုင်းရင်းသားများဒီမိုကရက်တစ်ပါတီ(ကျားဖြူပါတီ)ကိုရှုံးတာဖြစ်ပြီး နောက်တစ်နေရာ ကနိုင်ငံခြားသားသွေးနဲ့မကင်းတဲ့လူကိုကိုယ်စားလှယ်လောင်းအဖြစ်အမည်စာရင်းတင်သွင်းတယ်ဆိုပြီးရွေးကောက် ပွဲကော်မရှင်ကပယ်ဖျက်ခဲ့တာဖြစ်ပါတယ်။
ပထမဆုံးရွေးကောက်ပွဲမစခင်ကကြံ့ခိုင်ရေးပါတီရဲ့မဲဆွယ်မှုကိုသုံးသပ်ကြည့်ပါမယ်။ကြံခိုင်ရေးပါတီကသူတို့ ရဲ့ထုံးစံအတိုင်းလမ်းဖောက်တာ၊ပိုက်ဆံချေးတာတွေနဲ့မဲဆွယ်ခဲ့ပါတယ်။အဲဒီလိုမဲဆွယ်မှုမျိုးကိုပြီးခဲ့တဲ့၂၀၁၀ ရွေးကောက်ပွဲမှာရောပြုလုပ်ခဲ့ပါတယ်။၂၀၁၀ရွေးကောက်ပွဲမှာတော့ကြိုတင်မဲတွေနဲ့ရုပ်ပျက်ဆင်းပျက်ကြံ့ခိုင် ရေးပါတီအနိုင်ရခဲ့ပါတယ်။အဲဒီရွေးကောက်ပွဲရလဒ်ကလည်းမဲလိမ်တယ်လို့ယူဆနိုင်တဲ့အခြေအနေတွေမှာရှိခဲ့ ပါတယ်။ဒါပေမယ့်ကြားဖြတ်ရွေးကောက်ပွဲမတိုင်ခင်အချိန်မှာတော့လူတွေကကြံခိုင်ရေးပါတီဘယ်လောက်ပဲမဲဆွယ် မဲဆွယ်သိပ်စိတ်မ၀င်စားတော့ပါဘူး။အားလုံးကNLDမှNLDဆိုပြီးNLDပါတီတစ်ခုတည်းကိုပဲစုပြုံပြီးမဲပေး ခဲ့ကြတယ်။နောက်ဆုံးကြားဖြတ်ရွေးကောက်ပွဲမှာNLDကလေးဆယ့်သုံးနေရာအနိုင်ရသွားခဲ့ပါတယ်။
အခုကြံ့ခိုင်ရေးရောNLDရောပါတီနှစ်ခုစလုံးလာမယ့်၂၀၁၅ရွေးကောက်ပွဲအတွက်ပြင်ဆင်နေကြပြီဖြစ်ပါတယ်။ သူတို့ပြင်ဆင်တာတွေကိုကျွန်တော်တတ်သလောက်မှတ်သလောက်သုံးသပ်ကြည့်ပါမယ်။
ပထမဆုံးကြံ့ခိုင်ရေးပါတီအနေနဲ့သူတို့ပါတီဟာလက်ရှိအခြေအနေအတိုင်းဆိုရင်၂၀၁၅မှာအခြေအနေမ ကောင်းနိုင် မှန်းသိနေပါတယ်။ဒါပေမယ့်ပါတီအနေနဲ့တော့လူကြိုက်မများပေမယ့်၂၀၁၀ရွေးကောက်ပွဲမှာအနိုင်ရပြီးအစိုးရအဖွဲ့ထဲ မှာသမ္မတအဖြစ်ပါဝင်နေတဲ့ဦးသိန်းစိန်ကိုလူတော်တော်များများကကြိုက်နှစ်သက်ကြပါတယ်။အဲဒါကြောင့်ကြံ့ခိုင်ရေး ပါတီရဲ့လက်ရှိအနေအထားကပါတီရဲ့မူဝါဒတွေထက်ပါတီကနေလက်ရှိအစိုးရအဖွဲ့ထဲမှာပါဝင်နေတဲ့လူတွေကိုအ မှီပြုပြီးမဲဆွယ်ရဖို့ရှိနေပါတယ်။အဲဒီအတိုင်းလည်းကြံ့ခိုင်ရေးပါတီစတင်လှုပ်ရှားလာပြီလို့ကျွန်တော်ယူဆပါတယ်။ ပထမဆုံးပါတီရဲ့ပြည်လုံးကျွတ်ညီလာခံမှာဦးသိန်းစိန်ကိုပါတီဥက္ကဌအဖြစ်ဆက်လက်တာဝန်ပေးလိုက်ပါတယ်။မြန် မာနိုင်ငံရဲ့ဖွဲ့စည်းပုံအခြေခံဥပဒေအရသမ္မတတာဝန်ထမ်းဆောင်နေတဲ့သူဟာပါတီတာဝန်ကိုထမ်းဆောင်ခွင့်မရှိဘူး လို့ဖော်ပြထားပါတယ်။ဒီလိုတာဝန်ပေးမှုကလည်းတော်တော်လေးအငြင်းပွားစရာဖြစ်ခဲ့ပါတယ်။ကြံ့ခိုင်ရေးပါတီက ပါတီဒုဥက္ကဌကသာပါတီတာဝန်ကိုထမ်းဆောင်မယ်လို့ပြောနေပေမယ့်ဒီလိုဦးသိန်းစိန်ကိုပါတီဥက္ကဌအဖြစ်ဆက်လက် တာဝန်ပေးတာနဲ့ပက်သက်ပြီးစိတ်ဝင်စားစရာအချက်တချို့ကိုသွားတွေ့ရပါတယ်။
အဲဒါက၂၀၁၅ရွေးကောက်ပွဲနဲ့ဆက်စပ်မှုရှိနိုင်မယ်လို့ကျွန်တော်ယူဆကြည့်မိပါတယ်။ပထမဆုံးဦးသိန်းစိန်နိုင်ငံခြား ခရီးစဉ်တစ်ခုမှာပြည်သူတွေသာဒေါ်အောင်ဆန်းစုကြည်ကိုသမ္မတအဖြစ်မြင်တွေ့လိုပါကဒေါ်အောင်ဆန်းစုကြည် သမ္မတဖြစ်လာနိုင်တယ်လို့ပြောခဲ့ပါတယ်။အဲဒီနောက်ဒေါ်အောင်ဆန်းစုကြည်ကပြည်သူတွေကသာအလိုရှိရင်သူ သမ္မတလုပ်မယ်လို့ပြောခဲ့ပါတယ်။အဲဒီလိုဦးသိန်းစိန်ရော၊ဒေါ်အောင်ဆန်းစုကြည်ရောနှစ်ယောက်စလုံးကဒေါ်အောင် ဆန်းစုကြည်သမ္မတဖြစ်ရေးနဲ့ပက်သက်ပြီးပြောကြားပြီးသိပ်မကြာခင်မှာပဲကြံ့ခိုင်ရေးပါတီ ပြည်လုံးကျွတ်ညီလာခံမှာ ဦးသိန်းစိန်ကိုပါတီဥက္ကဌအဖြစ်ဆက်လက်တာဝန်ပေးခဲ့ပါတယ်။အဲဒီနောက်ပြည်တွင်းကသတင်းစာရှင်းလင်းပွဲတစ်ခု မှာဦးသိန်းစိန်ကပြည်သူတွေသာသူ့ကိုအလိုရှိမယ်ဆိုရင်ဒုတိယသက်တမ်းဆက်လက်တာဝန်ယူဖို့စဉ်းစားမယ်လို့ပြောလိုက် ပါတယ်။အဲဒီလိုကြံ့ခိုင်ရေးပါတီရဲ့ဦးသိန်းစိန်ကိုပါတီဥက္ကဌအဖြစ်ဆက်လက်တာဝန်ပေးမှုဟာတကယ်လို့၂၀၁၅မှာသာ ကြံ့ခိုင်ရေးပါတီအနိုင်ရခဲ့ရင်ဦးသိန်းစိန်သမ္မတအဖြစ် ဆက်လက်တာဝန်ယူလိမ့်မယ်ဆိုတဲ့သဘောလည်းသက်ရောက်နိုင်ပါတယ်။အဲဒီလိုဦးသိန်းစိန်ပြောကြားလိုက်တာ ကိုဒေါ်အောင်ဆန်းစုကြည်ကပြန်လည်တုံ့ပြန်တဲ့အနေနဲ့ပြီးခဲ့တဲ့လကတနင်္သာရီတိုင်းဒေသကြီးခရီးစဉ်မှာ“နိုင်ငံရေး အာဏာရလိုပါတယ်၊သမ္မတလုပ်ချင်ပါတယ်”ဆိုပြီးပြန်လည်တုံ့ပြန်ခဲ့ပါတယ်။အဲဒါတွေကိုကြည့်ခြင်းအားဖြင့်သမ္မတ ရာထူးအတွက်အားပြိုင်မှုကအခုအချိန်ကတည်းကစတင်နေပြီဆိုတာသေချာသလောက်ရှိနေ ပါပြီ။
နောက်တစ်ချက်အနေနဲ့ကျွန်တော်ပြီးခဲ့တဲ့ကြားဖြတ်ရွေးကောက်ပွဲကာလကNLD ပါတီရဲ့မဲဆွယ်စည်းရုံးမှုတွေကိုသုံးသပ်ကြည့်ပါမယ်။ကြားဖြတ်ရွေးကောက်ပွဲမှာပါတီတော်တော်များများကသူတို့ ပါတီတွေရဲ့မူဝါဒတွေကိုအသေးစိတ်ချမပြပေမယ့်အကြမ်းဖျမ်းတော့ဖော်ပြခဲ့ပါတယ်။တချို့ပါတီတွေကလည်းရွေးကောက်ပွဲ မှာအနိုင်ရရင်ဘာတွေလုပ်ပေးမယ်ဆိုပြီးမဲဆွယ်တာတွေရှိခဲ့ပါတယ်။NLDပါတီကလည်းကြား ဖြတ်ရွေးကောက်ပွဲမှာအနိုင်ရခဲ့ရင်အချက်သုံးချက်ကိုဆောင်ရွက်ပေးမယ်ဆိုပြီးမဲဆွယ်စည်းရုံးခဲ့ပါတယ်။အဲဒီအချက်သုံးချက်က
(၁)တရားဥပဒေစိုးမိုးရေး
(၂)ပြည်တွင်းငြိမ်းချမ်းရေး
(၃)၂၀၀၈ဖွဲ့စည်းပုံအခြေခံဥပဒေပြင်ဆင်ရေးတို့ဖြစ်ပါတယ်။
အားလုံးသိကြတဲ့အတိုင်းပြီးခဲ့တဲ့ကြားဖြတ်ရွေးကောက်ပွဲမှာလူတွေကမူဝါဒပိုင်းထက်ပုဂ္ဂိုလ်စွဲ၊ပါတီစွဲနဲ့မဲပေး ခဲ့ကြပါတယ်။အနိုင်ရသွားတဲ့NLDပါတီရဲ့ရွေးကောက်ပွဲကတိပေးချက်သုံးချက်ကိုတစ်ချက်ချင်းစီသုံးသပ်ကြည့် ပါမယ်။
(၁)တရားဥပဒေစိုးမိုးရေး
မြန်မာနိုင်ငံမှာလက်ရှိဖွဲ့စည်းပုံအခြေခံဥပဒေအရအုပ်ချုပ်ရေး၊ဥပဒေပြုရေး၊တရားစီရင်ရေးဆိုပြီးမဏ္ဍိုင်သုံးရပ် ခွဲပြီးအုပ်ချုပ်ပါတယ်။တရားဥပဒေစိုးမိုးရေးကိစ္စကိုသုံးသပ်ကြည့်ရင်အုပ်ချုပ်ရေး၊ဥပဒေပြုရေး၊တရားစီရင်ရေးမဏ္ဍိုင်သုံးခုစလုံးမှာတာဝန်ရှိပါတယ်။ဥပဒေပြုရေးလွှတ်တော်ကနိုင်ငံအတွင်းမှာကျင့်သုံးမယ့်ဥပဒေတွေကိုပြ ဌာန်းပါမယ်။အုပ်ချုပ်ရေးအဖွဲ့ကအဲဒီဥပဒေတွေကိုလက်တွေ့အကောင်အထည်ဖော်(Implement)ပါမယ်၊ပြီး ရင်ဥပဒေချိုးဖောက်မှုတွေမရှိအောင်စောင့်ကြည့်ပါမယ်။တရားစီရင်ရေးအဖွဲ့ကအဲဒီဥပဒေတွေကိုချိုးဖောက်တဲ့လူတွေကိုအပြစ်ပေးပါမယ်။အဲဒီသုံးခုထဲမှာမှအုပ်ချုပ်ရေးမဏ္ဍိုင်ကတရားဥပဒေစိုးမိုးရေးမှုဖြစ်လာဖို့အတွက် လုပ်ပိုင်ခွင့်အရှိဆုံးဖြစ်ပါတယ်။လွှတ်တော်ကဘယ်လောက်ပဲဥပဒေတွေပြုပြု၊တရားစီရင်ရေးအဖွဲ့ကဘယ် လောက်ပဲအဂတိတရားကင်းကင်း၊အုပ်ချုပ်ရေးအဖွဲ့ကကောင်းကောင်းအလုပ်မလုပ်ရင်နိုင်ငံတွင်းမှာတရားဥပ ဒေစိုးမိုးမှုဆိုတာလုံးဝမရှိနိုင်ပါဘူး။အဲဒါကြောင့်တရားဥပဒေစိုးမိုးရေးအတွက်အုပ်ချုပ်ရေးမဏ္ဍိုင်ကခြောက်ဆယ်ရာခိုင်နှုန်းလောက်အရေးပါပြီးဥပဒေပြုရေးမဏ္ဍိုင်နဲ့တရားစီရင်ရေးမဏ္ဍိုင်တွေကနှစ်ဆယ်ရာခိုင်နှုန်းစီလောက်ပဲအရေးပါပါတယ်။အဲဒါကြောင့်NLDပါတီမဲဆွယ်ခဲ့တဲ့တရားဥပဒေစိုးမိုးရေးဟာဦးသိန်းစိန်ခေါင်းဆောင်တဲ့အစိုးရအဖွဲ့အပေါ်မှာသာလုံးလုံးလျားလျားမူတည်နေပါတယ်။အဲဒါကြောင့်အဲဒီတရားဥပဒေစိုးမိုးရေးဆိုတဲ့မဲဆွယ်စည်းရုံးမှုဟာလုံးဝလက်တွေ့မကျပါဘူး။
(၂)ပြည်တွင်းငြိမ်းချမ်းရေး
ပြည်တွင်းငြိမ်းချမ်းရေးကိုသုံးသပ်ကြည့်မယ်ဆိုရင်လည်းအုပ်ချုပ်ရေးမဏ္ဍိုင်ဟာအရေးပါဆုံးဖြစ်နေတာကိုတွေ့ရပါတယ်။လွှတ်တော်နဲ့တရားရုံးတွေကပြည်တွင်းငြိမ်းချမ်းရေးအတွက်ဘယ်လိုမှထိထိရောက်ရောက်အကောင်အထည်ဖော်နိုင်စွမ်းမရှိပါဘူး။အခုမြန်မာနိုင်ငံမှာနောက်ဆုံးဖြစ်နေတဲ့KIAနဲ့မြန်မာစစ်တပ်ကြားကပစ်ခတ်မှုတွေ၊တိုက်ပွဲတွေရပ်ဆဲအောင်လုပ်ဖို့အုပ်ချုပ်ရေးမဏ္ဍိုင်ဖြစ်တဲ့အစိုးရအဖွဲ့တစ်ခုတည်းရဲ့သဘောထားကသာအရေး ကြီးဆုံးဖြစ်ပါတယ်။နိုင်ငံရေးပါတီတစ်ခုအနေနဲ့လက်ရှိအာဏာရအစိုးရအဖွဲ့လောက်ပြည်တွင်းငြိမ်းချမ်းရေးကိုထိထိရောက်ရောက်လုံးဝမဆောင်ရွက်နိုင်ပါဘူး။အဲဒါကြောင့်ပြည်တွင်းငြိမ်းချမ်းရေးကိုဆောင်ရွက်မယ်ဆိုတာလည်းကျိုးကြောင်းဆီလျော်မှုမရှိပါဘူး။
(၃)၂၀၀၈ဖွဲ့စည်းပုံအခြေခံဥပဒေပြင်ဆင်ရေး
၂၀၀၈ဖွဲ့စည်းပုံအခြေခံဥပဒေကအားလုံးသိတဲ့အတိုင်းပြည်သူလူထုကိုအသေးစိတ်ချပြခြင်းမရှိဘဲတစ်ဖက် သက်ရေးဆွဲခဲ့တာဖြစ်ပါတယ်။၂၀၀၈ဖွဲ့စည်းပုံမှာအားလုံးထောက်ပြတဲ့အားနည်းချက်နှစ်ခုရှိနေပါတယ်။တစ်ခုကရွေးကောက်ခံမဟုတ်တဲ့တပ်မတော်သားကိုယ်စားလှယ်၂၅ရာခိုင်နှုန်းပါဝင်နေတာနဲ့နောက်တစ်ခုကဒေါ် အောင်ဆန်းစုကြည်ကိုသမ္မတမဖြစ်အောင်သမ္မတအရည်အချင်းမှာကန့်သတ်ထားတာဖြစ်ပါတယ်။ဒါပေမယ့် တိုင်းရင်းသားတွေတကြော်ကြော်အော်နေတဲ့ဖက်ဒရယ်မူကိုတော့တော်တော်များများကသိပ်ပြီးအလေးမထား ကြဘဲလျစ်လျူရှုနေကြပါတယ်။
လက်ရှိ၂၀၀၈ဖွဲ့စည်းပုံအခြေခံဥပဒေအရဖွဲ့စည်းပုံအခြေခံဥပဒေကိုပြင်ဆင်(Amend)မယ်ဆိုရင်အနည်းဆုံး လွှတ်တော်ကိုယ်စားလှယ်၇၅ရာခိုင်နှုန်းထောက်ခံမှပြင်ဆင်နိုင်မှာဖြစ်ပါတယ်။ဖွဲ့စည်းပုံအခြေခံဥပဒဒေပြင်ဆင်ဖို့ကအုပ်ချုပ်ရေးအဖွဲ့နဲ့တရားစီရင်ရေးအဖွဲ့တို့မှာအာဏာလုံးဝမရှိပါဘူး။လွှတ်တော်တစ်ခုတည်းမှာသာပြင်ဆင်နိုင်တဲ့အာဏာရှိနေပါတယ်။ဒါပေမယ့်လက်ရှိအနေအထားအရလွှတ်တော်ထဲမှာကြံ့ခိုင်ရေးပါတီက၅၀ရာ ခိုင်နှုန်းကျော်နေရာရရှိထားပြီးတပ်မတော်သားတွေက၂၅ရာခိုင်နှုန်းနေရာယူထားတာကြောင့်၂၀၁၅မတိုင်ခင်မှာဖွဲ့စည်းပုံအခြေခံဥပဒေထဲကတပ်မတော်သားကိုယ်စားလှယ်၂၅ရာခိုင်နှုန်းကိစ္စနဲ့ဒေါ်အောင်ဆန်းစုကြည်သမ္မတဖြစ်ရေးကိစ္စတို့ဟာပြင်ဆင်ဖို့မဖြစ်နိုင်ဘူးဆိုတာသေချာသလောက်ရှိနေပါပြီ။အဲဒါကြောင့်ဖွဲ့စည်းပုံအခြေခံ ဥပဒေကို၂၀၁၅ရွေးကောက်ပွဲမတိုင်ခင်ပြင်မယ်ဆိုတာလည်းလုံးဝလက်တွေ့မကျတဲ့အချက်ဖြစ်နေပါတယ်။
ဒါတွေကတော့ပြီးခဲ့တဲ့ရွေးကောက်ပွဲမဲဆွယ်ကာလကNLDပါတီရဲ့မဲဆွယ်စည်းရုံးမှုတွေဖြစ်ပါတယ်။အခုလက်ရှိNLDရဲ့၂၀၁၅အတွက်ပြင်ဆင်မှုတွေကိုသုံးသပ်ကြည့်ပါမယ်။အထင်ရှားဆုံးကတော့ခရိုနီတွေကိုလက်တွဲခေါ် မယ့်အလားအလာကိုဒေါ်အောင်ဆန်းစုကြည်ကထုတ်ဖော်ပြသခဲ့တာဖြစ်ပါတယ်။ခရိုနီတွေဟာပြီးခဲ့တဲ့စစ်အစိုးရလက်ထက်ကအခွင့်ထူးခံတွေဖြစ်ခဲ့တာကြောင့်ဒီနေ့လိုဒီမိုကရေစီစတင်ပေါ်ထွန်းလာတဲ့အချိန်မှာအပြောင်းအလဲကိုမလိုလားသူတွေ၊သဘောထားတင်းမာသူတွေ(Hardliners)လို့ယူဆနိုင်ပါတယ်။ဒေါ်အောင်ဆန်းစုကြည်အဲဒီလိုခရိုနီတွေကိုလက်တွဲခေါ်မယ့်သဘောထားကမှားယွင်းတယ်လို့ကျွန်တော်ယုံကြည်ပါတယ်။ဘာဖြစ်လို့လဲဆိုတော့ဒီလိုမျိုးစနစ်ဟောင်းကိုဖက်တွယ်လိုသူတွေကိုလက်ရှိအာဏာရအစိုးရအဖွဲ့ခေါင်းဆောင်ဖြစ်တဲ့သမ္မတဦးသိန်းစိန်ကတောင်အပြောင်းအလဲကိုမလိုလားသူတွေအဖြစ်နောက်ချန်ထားခဲ့မယ်လို့ပြောခဲ့ဖူးပါတယ်။အဲဒီလိုပြောပြီးသိပ်မကြာခင်မှာပဲဒုတိယသမ္မတသီဟသူရဦးတင်အောင်မြင့်ဦးကျန်းမာရေးအကြောင်းပြချက်နဲ့ရာထူးကနှုတ်ထွက်သွားပါတယ်။ကျန်းမာရေးကြောင့်ရာထူးကနှုတ်ထွက်သွားတယ်လို့ထင်ရပေမယ့်တော်တော် များများကဦးသိန်းစိန်ရဲ့နောက်ပြန်ဆွဲလိုသူတွေကိုချန်ထားခဲ့မယ်ဆိုတဲ့အစီအစဉ်ကြောင့်နှုတ်ထွက်သွားတာဖြစ်တယ်လို့အများကယုံကြည်နေကြပါတယ်။အလားတူပဲသဘောထားတင်းမာသူလို့နာမည်ကြီးတဲ့ပြန်ကြားရေး ၀န်ကြီးဦးကျော်ဆန်းဟာလည်းရွှေအမြုတေစာနယ်ဇင်းကောင်စီကိစ္စ၊The Voiceဂျာနယ်နဲ့Envoyဂျာနယ်တွေကိုထုတ်ဝေခွင့်ပိတ်တဲ့ကိစ္စတွေနောက်ပိုင်းမှာပြန်ကြားရေးဝန်ကြီးဌာနကနေသမ၀ါယမ၀န်ကြီးဌာနဆီအပြောင်းခံခဲ့ရပါတယ်။သမ၀ါယမ၀န်ကြီးဌာနဟာဒီနေ့ခေတ်မှာသိပ်အရေးပါတဲ့ ၀န်ကြီးဌာနတစ်ခုမဟုတ်တော့ပါဘူး။ဒါဟာသဘောထားတင်းမာတဲ့သူတွေကိုဖယ်ထုတ်တဲ့ဆောင်ရွက်ချက် တစ်ခုလို့ပြောနိုင်ပါတယ်။
စစ်အစိုးရခေတ်မှာဦးသိန်းစိန်က၀န်ကြီးချုပ်ဖြစ်နေခဲ့ပေမယ့်တကယ်တမ်းအဆင့်ငါးနေရာမှာသာရှိပါတယ်။အဆင့်တစ်ကဗိုလ်ချုပ်မှူးကြီးသန်းရွှေ၊အဆင့်နှစ်ကဒုတိယဗိုလ်ချုပ်မှူးကြီးမောင်အေး၊သုံးကဦးရွှေမန်း၊လေးက သီဟသူရဦးတင်အောင်မြင့်ဦးဖြစ်ပါတယ်။အခုလိုအရင်အစိုးရလက်ထက်ကကိုယ့်ထက်ရာထူးမြင့်တဲ့လူတစ် ယောက်ကိုလက်ရှိအစိုးရလက်ထက်မှာချန်ထားဖို့ဆိုတာနည်းနည်းRiskယူရနိုင်တဲ့ဆောင်ရွက်ချက်တစ်ခုဖြစ်ပါတယ်။ဒါပေမယ့်ဦးသိန်းစိန်အဲဒီလိုHardlinerတွေကိုဖယ်ထုတ်နေတဲ့အချိန်မှာဒေါ်အောင်ဆန်းစုကြည်ကဘာဖြစ်လို့Hardlinerတွေလို့သတ်မှတ်လို့ရတဲ့ခရိုနီတွေကိုလက်တွဲခေါ်ဖို့လုပ်တာလဲဆိုတာစဉ်းစားစရာအရမ်း ကောင်းပါတယ်။ဒီလိုလက်တွဲခေါ်မယ့်အစီအစဉ်ရဲ့နောက်ကွယ်မှာရည်ရွယ်ချက်တစ်ခုခုရှိနိုင်တယ်လို့ကျွန် တော်ယုံကြည်ပါတယ်။
ဘယ်လိုပဲဖြစ်ဖြစ်ပွဲကတော့ကြည့်ကောင်းနေပါပြီ၊ကျွန်တော်အနေနဲ့ကတော့လက်ရှိအချိန်မှာဘယ်ပါတီကိုမှအပြည့်အ၀ယုံကြည်မှုမရှိပါဘူး။ဒါပေမယ့်ဦးသိန်းစိန်အစိုးရတက်လာတာနှစ်နှစ်ပြည့်တော့မှာဖြစ်ပေမယ့်အခုအ ချိန်အထိပြည်သူတွေရဲ့စားဝတ်နေရေးကိစ္စတွေမှာဘာမှထူးမလာသလို၂၀၁၅နောက်ပိုင်းကျရင်လည်းလက်ရှိအခြေအနေတွေကိုသုံးသပ်ကြည့်ရသလောက်ထူးမလာတဲ့အပြင်ပိုတောင်ဆိုးသွားနိုင်တယ်လို့ကျွန်တော်ယူဆနေမိပါတယ်။
စည်သူထက်
၁၄.၁.၂၀၁၃